Leikkonan Mary-Kate Olsen hefur sótt um skilnað við eiginmann sinn Olivier Sarkozy. Olsen hefur farið fram á neyðarheimild til að sækja um skilnaðinn en dómstólar í New York í Bandaríkjunum hafa ekki tekið við skilnaðarmálum vegna kórónuveirunnar síðustu vikur.
Olsen og Sarkozy gengu í það heilaga árið 2015 en þau byrjuðu í sambandi árið 2012. Þau hafa að mestu haldið sambandi sínu úr fjölmiðlum.
Samkvæmt heimildum TMZ fengu lögfræðingar Olsen tölvupóst frá lögfræðingum Sarkozy þar sem farið var fram á að Olsen flytti út úr íbúð þeirra hjóna í New York fyrir 18. maí. Lögfræðingar Olsen hafa farið fram á að fresturinn verði lengdur til 30. maí þar sem Olsen geti ekki flutt út vegna útgöngubanns.