Ellefu sýningar verðlaunaðar

Atómstöðin – endurlit eftir Halldór Laxness Halldórsson og Unu Þorleifsdóttur byggt á skáldsögu Halldórs Laxness í leikstjórn Unu í Þjóðleikhúsinu hlaut flest verðlaun þegar Íslensku sviðslistaverðlaunin, Gríman, voru afhent í 18. sinn við hátíðlega athöfn í Borgarleikhúsinu í kvöld.

Saga Sigurðardóttir ásamt samstarfsfólki sínu í sviðslistahópnum Marmarabörnum þegar hópurinn tók við verðlaunum fyrir dans- og sviðshreyfingar ársins fyrir sýninguna Eyður. mbl.is/Arnþór

Sýningin var tilnefnd til tólf verðlauna og hlaut alls fern, sem sýning ársins, fyrir leikstjórn, leikkonu ársins í aðalhlutverki og lýsingu. Uppfærsla sviðslistahópsins Marmarabarna á verkinu Eyðum hlaut næstflest verðlaun eða þrenn, fyrir búninga, tónlist og dans- og sviðshreyfingar.

Alls skiptu ellefu sýningar með sér verðlaununum 18 auk þess sem Ingibjörg Björnsdóttir hlaut heiðursverðlaun Sviðslistasamband Íslands árið 2020 fyrir ævistarf sitt í þágu sviðslista á Íslandi. 

Ingibjörg Björnsdóttir hlýtur heiðursverðlaun Sviðslistasambands Íslands árið 2020. mbl.is/Arnþór

Sýning ársins

Atómstöðin – endurlit í sviðsetningu Þjóðleikhússins

Uppfærsla Þjóðleikhússins á Atómstöðinni - endurliti var valin sýning ársins. Magnús Geir Þórðarsson þjóðleikhússtjóri veitti verðlaununum viðtöku. mbl.is/Arnþór

Leikrit ársins 

Helgi Þór rofnar eftir Tyrfing Tyrfingsson

Leikstjóri ársins

Una Þorleifsdóttir – Atómstöðin – endurlit

Una Þorleifsdóttir var valin leikstjóri ársins fyrir Atómstöðina - endurlit. mbl.is/Arnþór

Leikari ársins í aðalhlutverki

Sveinn Ólafur Gunnarsson – Rocky!

Sveinn Ólafur Gunnarsson tók við verðlaunum fyrir bestan leik í aðalhlutverki fyrir Rocky! mbl.is/Arnþór

Leikkona ársins í aðalhlutverki

Ebba Katrín Finnsdóttir – Atómstöðin – endurlit

Leikari ársins í aukahlutverki

Hilmir Snær Guðnason – Vanja frændi

Hilmir Snær Guðnason tók við verðlaunum fyrir bestan leik í aukahlutverki fyrir Vanja frænda. mbl.is/Arnþór

Leikkona ársins í aukahlutverki

Kristbjörg Kjeld – Er ég mamma mín?

Kristbjörg Kjeld tók við verðlaunum fyrir bestan leik í aukahlutverki fyrir Er ég mamma mín? mbl.is/Arnþór

Leikmynd ársins

Finnur Arnar Arnarson – Engillinn

Búningar ársins

Guðný Hrund Sigurðardóttir – Eyður

Lýsing ársins

Ólafur Ágúst Stefánsson – Atómstöðin – endurlit

Tónlist ársins

Gunnar Karel Másson – Eyður

Hljóðmynd ársins

Nicolai Hovgaard Johansen – Spills

Söngvari ársins

Karin Björg Torbjörnsdóttir – Brúðkaup Fígarós

Dans- og sviðshreyfingar ársins

Marmarabörn – Eyður

Dansari ársins

Shota Inoue – Þel

Katrín Gunnarsdóttir var valin danshöfundur ársins fyrir Þel. mbl.is/Arnþór

Danshöfundur ársins

Katrín Gunnarsdóttir – Þel

Sproti ársins

Reykjavik Dance Festival

Barnasýning ársins

Gosi, ævintýri spýtustráks

Ágústa Skúladóttir leikstjóri tók við verðlaunum fyrir Gosa, ævintýri spýtustráks sem valin var besta barnasýning ársins. mbl.is/Arnþór

Heiðursverðlaun Sviðslistasambands Íslands

Ingibjörg Björnsdóttir

• Blogga um frétt