Gavin Rossdale söngvari segir skilnaðinn við Gwen Stefani hafa verið neyðarlegustu stund lífs síns. Þetta kemur fram í viðtali við The Guardian.
Bestu stund lífs hans sagði hann vera þegar öll börn hans voru saman komin í tilefni af afmæli hans. „Á síðasta ári þegar ég hafði öll fjögur börnin — Daisy, Kingston, Zuma og Apollo — hjá mér á afmælinu. Það var töfrum líkast.“
Rossdale og Stefani skildu árið 2015 eftir 13 ára hjónaband. Sögusagnir voru um að hann hefði haldið fram hjá með barnfóstrunni. Saman eiga þau þrjá stráka, Kingston, Zuma og Apollo. Þá á Rossdale einnig 31 árs dóttur, fyrirsætuna Daisy Lowe.
Stefani er nú trúlofuð söngvaranum Blake Shelton og hefur hún reynt að fá hjónaband sitt við Rossdale ógilt svo hún geti gift sig innan kaþólsku kirkjunnar. Það hefur ekki tekist fram að þessu.
View this post on InstagramA post shared by Gavin Rossdale (@gavinrossdale) on Dec 31, 2019 at 8:36pm PST