Ofurfyrirsæturnar Kaia Gerber og Cara Delevingne eru komnar með eins húðflúr. Delevigne fagnaði 28 ára afmæli í gær og sýndi Gerber ný húðflúr þeirra við tilefnið. Húðflúrin gefa til kynna að þær eigi í nánu sambandi.
Orðrómur um að Delevingne og Gerber ættu í ástarsambandi fór af stað í sumar. Nýju húðflúrin ýta undir þær sögusagnir en í stað þess að fá sér áletrunina „soulmate“ eða sálufélagi fengu þær sér orðið „solemate“ sem lauslega mætti þýða sem sólafélagar. Orðið er notað fyrir einfætt fólk sem getur deilt skópörum.
Fyrirsæturnar Cara Delevingne og Kaia Gerber sáust í faðmlögum og haldast í hendur við Black Lives Matter mótmæli í Los Angeles í júlí. Delevingne hætti með Ashley Benson leikkonu úr Pretty Little Liars í vor en Gerber sem verður 19 ára í næsta mánuði hætti með grínistanum Pete Davidson í vetur.