Verslunarmanna-Helgi í kvöld klukkan 21

Helgi Björnsson tónlistarmaður treður upp í stofum landsmanna í kvöld.
Helgi Björnsson tónlistarmaður treður upp í stofum landsmanna í kvöld. Ljósmynd/Brynja Kristinsdóttir

Helgi Björnsson verður í beinu streymi frá Hótel Borg í kvöld ásamt Reiðmönnum vindanna og góðum gestum. Ákvörðunin um að hafa tónleika í beinni útsendingu var tekin í vor, en eftir nýlegar breytingar á samkomutakmörkunum virðist Helgi nú vera einn af fáum tónlistarmönnum sem munu ná að koma fram eins og til stóð.

Streymt verður frá tónleikunum á mbl.is.

„Hugmyndin var upphaflega að bjóða þeim sem almennt eru ekki að sækja tónlistarhátíðir um verslunarmannahelgar kost á að kaupa til sín tónlistarflutning ef svo má segja,“ segir Helgi.

„Þetta verður einlægt og skemmtilegt, svona í þeim anda sem við erum þekkt fyrir. Við ætlum að eiga saman gæðastund og bjóða upp á vandaða tónlistardagskrá í takt við það sem við höfum verið að gera en við stráum fallegum sumartónum yfir þetta,“ bætir hann við.

Úr sveit í borg, Hótel Borg

Ein stór breyting er þó á þessari dagskrá sem Helgi hefur boðið upp á en hún er sú að í stað Hlöðunnar góðu verður sent út frá Hótel Borg og verða tónleikarnir í beinu streymi, eins og fyrr segir. Hægt er að tryggja sér aðgang að þeim í gegnum móttakara stóru símfyrirtækjanna sem og á tix.is

Þannig verður kvöldskemmtun Helga og Reiðmannanna aðgengileg öllum, hvar sem þeir eru í heiminum. Streymið hefst klukkan 21:00 og hægt að tryggja sér aðgengi í gegnum Símann, Vodafone og Tix.is 

mbl.is
Fleira áhugavert

Stjörnuspá »

Hrútur

Sign icon Þú kannt að fá merkilegar upplýsingar sem gætu á endanum haft breytingar í för með sér. Gríptu til viðeigandi ráðstafana í tæka tíð.
síðasta vika Vinsælustu hljóðbækurnar
1
Laila Brenden
2
Erla Sesselja Jensdóttir
3
Sigríður Dúa Goldsworthy
4
Lars Kepler
Fleira áhugavert

Stjörnuspá »

Hrútur

Sign icon Þú kannt að fá merkilegar upplýsingar sem gætu á endanum haft breytingar í för með sér. Gríptu til viðeigandi ráðstafana í tæka tíð.
síðasta vika Vinsælustu hljóðbækurnar
1
Laila Brenden
2
Erla Sesselja Jensdóttir
3
Sigríður Dúa Goldsworthy
4
Lars Kepler