Söng- og leikkonan Lady Gaga mun fara með hlutverk Harley Quinn í annarri mynd af Jókernum. Jóker 2 er sögð vera söngleikur að hluta en engin nánari lýsing hefur komið fram. Leikarinn Joaquin Phoenix mun aftur fara með hlutverk Jókersins sjálfs í myndinni.
Leikkonan Margot Robbie lék hlutverk Harley Quinn í tveimur kvikmyndum The Suicide Squad en samkvæmt heimildarmönnum verður Harley Quinn sem Gaga leikur ekki í sama DC heimi og hún.
Gaga lék í kvikmyndinni A Star Is Born sem kom út árið 2018. Kvikmyndin er sannkölluð verðlaunamynd en hún vann til fjögurra Grammy-verðlauna á sínum tíma. Gaga fékk mikið lof fyrir leik sinn í þeirri mynd.
Fyrsta Jóker myndin naut einnig mikillar velgengni, en hún kom út árið 2019. Árið 2020 hlaut hún tvenn Óskarsverðlaun. Phoenix fór heim með verðlaunin í flokki leikara í aðalhlutverki og íslenska tónskáldið Hildur Guðnadóttir hlaut verðlaun fyrir tónlist sína í kvikmyndinni.
Joker: Folie à Deux
— Lady Gaga (@ladygaga) August 4, 2022
10.04.24 pic.twitter.com/obp7T9lBFL