Tónlistarmaðurinn Einar Stefánsson, liðsmaður sveitarinnar Hatara, verður stigakynnir Íslands í Eurovision í ár. 

Einar var fulltrúi Íslands, ásamt hljómsveitinni Hatara, í Eurovision í Ísrael árið 2019. 

Rúnar Freyr Gíslason, fjölmiðlafulltrúi íslenska hópsins segir að samningaviðræðurnar við Svikamyllu ehf. móðurfyrirtæki Hatara, hafi tekið langan tíma.

„Þetta var erfið fæðing en við náðum að endanum samkomulagi við stjórn Svikamyllu ehf. Við getum ekkert annað en að vona það besta fyrir kvöldið,“ segir Rúnar í tilkynningu. 

Úrslit Eurovision eru á morgun, laugardag, og hefst keppnin klukkan 19. mbl.is er á staðnum og verður með beina lýsingu frá keppninni. 

Tengdar fréttir

Eurovision

Bashar Murad heldur tónleika á Íslandi

• Bashar Murad tekur þátt í Falastinvision
• „Þetta er ekki það sem þjóðin hefur verið að kalla eftir“
• Guðrún Dís lýsir Eurovision
• Heru Björk ekki spáð upp úr riðlinum

» Fleiri tengdar fréttir

• Blogga um frétt