Vinir Aniston áhyggjufullir eftir fráfall Perry
Setja bókamerki
Tengdar fréttir
Poppkúltúr
Vinir bandarísku leikkonunnar Jennifer Aniston hafa verulegar áhyggjur af henni í kjölfar fráfalls Matthew Perry, en hún tók fregnunum af andláti leikarans afar illa. Aniston var viðstödd jarðarför Perry í Los Angeles á föstudag ásamt meðleikurum þeirra beggja, úr Friends, Courtney Cox, Lisu Kudrow, Matt LeBlanc og David Schwimmer.
„Aniston á í mestum erfiðleikum,“ sagði heimildarmaður Page Six. „Þetta er annað áfallið sem dynur á henni á stuttum tíma, en það styttist í eins árs dánarafmæli föður hennar. Hún er enn að vinna sig í gegnum þann mikla sársauka og missi.“
Faðir Aniston, leikarinn John Aniston, var vel þekktur í Bandaríkjunum, en hann fór með burðarhlutverk í sápuóperunni Days of Our Lives í heil 37 ár. Hann lést í nóvember á síðasta ári, 89 ára gamall. Leikkonan greindi frá andláti föður hennar á Instagram.
Hafði miklar áhyggjur af Perry
Perry sagði frá því í endurminningum sínum, Friends, Lovers and the Big Terrible Thing, að Aniston hefði verið dugleg að hafa samband í gegnum árin, en að hún hefði einnig verið mjög áhyggjufull af honum og ítrekað reynt að hjálpa honum út úr vítahring pillufíknar. Perry viðurkenndi sömuleiðis að hann hafi verið hugfanginn af Aniston við upptökur NBC-gamanþáttanna.
Aniston hefur ekkert birt á samfélagsmiðlum frá andláti Perry, en leikarar Friends gáfu frá sér sameiginlega yfirlýsingu örfáum dögum eftir andlátið.
Tengdar fréttir
Poppkúltúr
Auki líkurnar á vaxtalækkun
Fengið nóg af sviknum loforðum stjórnvalda
„Síðasta orðið hefur ekki verið sagt“
Netanjahú um SÞ: Fyrirlitlegur farsi
„Má segja að nýr armur sé að myndast í flokknum“
Skiljanlegt að finna til vanmáttar