Spjallþáttastjórnandinn Jimmy Fallon og poppsöngkonan Meghan Trainor frumfluttu glænýtt jólalag, Wrap Me Up, í spjallþætti Jimmy Kimmel, Jimmy Kimmel Live! á mánudag. Tvíeykið sló í gegn með flutningi sínum og skapaði töfrandi jólastemningu. Lagið hefur þegar náð toppsæti vinsældalista iTunes.

Trainor, sem hefur slegið í gegn með lögum á borð við All About That Bass, Dear Future Husband og Made You Look, klæddist skemmtilegum rauðum jólakjól sem fékk áhorfendur til að vilja halda jólin strax. 

Lagið, sem hefur verið í bígerð undanfarna mánuði, var upprunalega hugmynd Fallons og ber það keim af bæði doo-woppi og hip-hoppi. Spjallþáttastjórnandinn ljóstraði upp um nýja jólalagið í nýlegum þætti af The Tonight Starring Jimmy Fallon.

Þetta er ekki í fyrsta sinn sem Fallon gefur út jólalag með þekktri söngstjörnu. Árið 2021 gaf hann út lagið It Was A...(Masked Christmas) ásamt Ariönu Grande og Meghan Thee Stallion. Og á síðasta ári fékk hann kántrístjörnuna Dolly Parton með sér í lið en þau gáfu út lagið Almost Too Early For Christmas.

Tengdar fréttir

Poppkúltúr

Kaleo í „kitlu“ vinsælla sjónvarpsþátta

• Kom út sem trans á uppistandi
• Megan Thee Stallion opinberar nýjan elskhuga
• Frammistaða Keaton fékk áhorfendur til að rísa úr sætum
• Segir ásakanir um framhjáhald falskar

» Fleiri tengdar fréttir

Instagram

Aníta Briem frumsýnir kærastann

• Sexí og sjarmerandi á sjötugsaldri
• 57 ára og neitar að fela gráu hárin
• Íris Svava og Arnþór gáfu dóttur sinni nafn
• Kristín Þóra og Teitur héldu leynibrúðkaup

» Fleiri tengdar fréttir

• Blogga um frétt