Katrín og Vilhjálmur djúpt snortin
Prinsinn og prinsessan af Wales, Vilhjálmur og Katrín, eru djúpt snortin af vænum viðbrögðum almennings.
AFP/Henry Nicholls
Setja bókamerki
Katrín og Vilhjálmur, prinsessan og prinsinn af Wales, eru sögð djúpt snortin eftir hlý viðbrögð almennings eftir tilkynningu Katrínar um að hún hefði greinst með krabbamein.
Þetta kemur fram í tilkynningu frá Kensington-höll, en BBC greinir frá.
Katrín greindi frá því á föstudag að hún hefði greinst með krabbamein og væri í meðferð vegna þessa.
Segjast þakklát almenningi
Talsmaður hallarinnar segir að prinsinn og prinsessan séu bæði djúpt snortin eftir falleg viðbrögð almennings. Þau séu þakklát almenningi fyrir stuðninginn og fyrir að virða beiðnir þeirra um næði og frið.
Mikið fjaðrafok skapaðist í kringum prinsessuna nýverið. Ýmsar samsæriskenningar skutu upp kollinum um meint hvarf prinsessunnar sem ekki hafði sést opinberlega, þar til nýlega, síðan um jólin.
Ólína: „Þeir eru oft aulalegir í málflutningi“
Gerbreytt staða hælisleitarmála
Hyggst leiða ríkisstjórnina til enda
Ekki meitlað í stein að það sé komin kreppa
Einn játað sök í stóra fíkniefnamálinu
Bæjarstjórinn ósammála ritara Sjálfstæðisflokksins
„Við verðum að vinda ofan af þessu“
Dómari telur að Daði hafi logið