Leitar að ríkum eiginmanni
Setja bókamerki
Kona að nafni Karolina Geits þráir fátt heitara en að eignast ríkan eiginmann. Hún virðist tilbúin að gera ýmislegt til að finna hinn efnamikla eina rétta, en Geits er meira að segja með TikTok-síðu tileinkaða leit sinni, sem er titluð Karolina Geits Looking for Rich Husband.
Nýjasta myndskeið TikTok-stjörnunnar hefur vakið heilmikla athygli á samfélagsmiðlasíðunni. Það sýnir hana nýta sér kallkerfi flugvélar til að ávarpa farþega í miðju flugi frá Miami til New York.
Geits, sem var með autt sæti sér við hlið, ákvað að stökkva á tækifærið og kanna hvort að leit hennar myndi ekki skila árangri í háloftunum.
„Sæl öllsömul. Ég heiti Karolina Geits og er að leita mér að ríkum eiginmanni. Ég sit í sæti 2A. Komdu og sestu hjá mér ef þú ert ríkur,“ sagði Geits meðal annars við farþega vélarinnar.
Enginn beit á agnið í þetta sinn en uppátækið vakti mikla lukku meðal farþega, flugmanna og flugliða vélarinnar.
Gerbreytt staða hælisleitarmála
„Það ber enginn meiri ábyrgð á stöðu flokksins en ég“
Bæjarstjórinn ósammála ritara Sjálfstæðisflokksins
Einn játað sök í stóra fíkniefnamálinu
Hyggst leiða ríkisstjórnina til enda
Dómari telur að Daði hafi logið
Ólína: „Þeir eru oft aulalegir í málflutningi“
Tveir stungnir í gistiskýlinu á Granda