Ósofin og gjörsamlega uppgefin
Setja bókamerki
Bandaríska leikkonan Hayden Panettiere tjáði sig í gærdag á Instagram um umdeilt viðtal hennar við tímaritið People.
Viðtalið vakti mikla athygli og umtal sökum þess að leikkonan var þvoglumælt og virtist vera undir áhrifum vímuefna í klippu sem deilt var á samfélagsmiðlasíðu tímaritsins.
Panettiere, best þekkt fyrir leik sinn í þáttaröðunum Heroes og Nashville, birti langa færslu á Instagram á sunnudag þar sem hún sagðist hafa verið ósofin og gjörsamlega uppgefin þegar hún settist niður með blaðamanni People.
„Það er óskiljanlegt að ég skuli vera í þessari stöðu, en mér finnst ég vera neydd til að tjá mig um þetta og í rými þar sem ég verð ekki gagnrýnd fyrir hversu hratt eða hægt ég tala. Ég hafði ekki sofið í tvo heila daga vegna eins hundsins míns sem var að jafna sig eftir bráðaaðgerð,“ skrifaði Panettiere meðal annars á Instagram.
„Það kemur engum við“
Panettiere neitar því ekki að hafa verið undir áhrifum lyfja en viðurkennir að allt hafi verið gert til þess að sýna hana í röngu ljósi.
„Sorgin lítur öðruvísi út hjá okkur öllum. Það kemur engum við hvort ég sé á lyfjum eða ekki. Það er á milli mín og læknisins míns,“ skrifaði leikkonan einnig.
Sanna borgarfulltrúi vill á þing
„Má segja að nýr armur sé að myndast í flokknum“
Segir lögreglu sá efasemdum um heilindi
Merki um kólnun á íbúðamarkaði
Verðum að vera viðbúin stærra eldgosi
Miður hve langan tíma rannsóknin tók
Hefja formlegt söluferli á Olíudreifingu
Tókst ekki að sanna orsakasambandið