Svona lítur Sabrina-stjarnan út í dag
Setja bókamerki
Bandaríska leikkonan Melissa Joan Hart hóf leikferil sinn ung að árum, en hún skaust upp á stjörnuhimininn þegar hún fór með hlutverk Clarissu Darling í þáttaröðinni Clarissa Explains It All á árunum 1991 til 1994. Leikkonan er þó þekktust fyrir hlutverk sitt sem Sabrina Spellman í unglingaþáttaröðinni Sabrina the Teenage Witch sem var sýnd í Ríkissjónvarpinu á tíunda áratug 20. aldar við miklar vinsældir.
Hart var aðeins fjögurra ára gömul þegar hún hóf leikferil sinn, en hún lék í auglýsingu fyrir baðleikfang sem kallaðist Splashy. Í framhaldi fékk hún ótal smáhlutverk í hinum ýmsu þáttaröðum og má þar helst nefna Kane & Abel, The Equalizer og Another World.
Byrjaði með Ryan Reynolds
Hart lék Clarissu Darling í fjögur ár og hélt eftir það í nám við New York University. Leikkonan hætti snögglega í námi þegar henni bauðst aðalhlutverkið í sjónvarpsmyndinni Sabrina the Teenage Witch þar sem hún lék á móti óþekktum leikara að nafni Ryan Reynolds.
Meðan á tökum stóð átti parið í stuttu sambandi.
Sjónvarpsmyndin um unglinganornina vakti mikla lukku og varð síðar að vinsælli sjónvarpsþáttaröð.
Endurvakti ferilinn
Eftir að Sabrina the Teenage Witch lauk göngu sinni árið 2003 fór lítið fyrir Hart í dágóðan tíma.
Leikkonan endurvakti feril sinn árið 2009 þegar hún tók þátt í hæfileikakeppninni Dancing With the Stars. Hún hreppti í framhaldi aðalhlutverk í gamanþáttaröðunum Melissa & Joey og No Good Nick.
Hart er nú sögð vera að vinna að endurgerð á sjónvarpsþáttaröðinni Clarissa Explains It All.
Hamingjusamlega gift
Hart hefur verið hamingjusamlega gift tónlistarmanninum Mark Wilkerson frá árinu 2003. Hjónin eiga þrjá syni á aldursbilinu 12 til 18 ára.
Leikkonan deilir reglulega myndum af fjölskyldu sinni á Instagram og greindi nýlega frá því að elsti sonur hennar væri í sambandi með stúlku sem heitir Sabrina.
Miður hve langan tíma rannsóknin tók
Kærði sig inn í yfirlýsinguna
Kristín kjörin nýr umboðsmaður Alþingis
„Má segja að nýr armur sé að myndast í flokknum“
Merki um kólnun á íbúðamarkaði
Jón: 70% Viðreisnarmaður samkvæmt kosningaprófi
Landsréttur sýknar SKE af kröfu Samskipa
Tókst ekki að sanna orsakasambandið