Á fasteignavef mbl.is má finna úrval af sjarmerandi par- og raðhúsum um allt land. Í Garðabæ eru til sölu raðhús í ýmsum stærðum og gerðum sem kosta allt frá 54,6 til 199 milljónir.
Á fasteignavef mbl.is má finna úrval af sjarmerandi par- og raðhúsum um allt land. Í Garðabæ eru til sölu raðhús í ýmsum stærðum og gerðum sem kosta allt frá 54,6 til 199 milljónir.
Á fasteignavef mbl.is má finna úrval af sjarmerandi par- og raðhúsum um allt land. Í Garðabæ eru til sölu raðhús í ýmsum stærðum og gerðum sem kosta allt frá 54,6 til 199 milljónir.
Smartland tók saman fimm dýrustu par- og raðhúsin í Garðabæ sem eiga það öll sameiginlegt að vera afar tignarleg og smart.
Við Kinnargötu í Urriðaholti er til sölu 243 fm endaraðhús á tveimur hæðum sem reist var árið 2020. Húsið er hannað af Kristni Ragnarssyni arkitekt og hefur verið innréttað á stílhreinan máta þar sem mjúkir náttúrulegir tónar eru í aðalhlutverki. Í húsinu eru fjögur svefnherbergi og tvö baðherbergi.
Ásett verð er 199 milljónir.
Sjá á fasteignavef mbl.is: Kinnargata 34
Við Byggakur í Garðabæ er til sölu 229 fm fm endaraðhús á tveimur hæðum sem var byggt árið 2019. Sigurður Hallgrímsson er arkitekt hússins. Alls eru fjögur svefnherbergi og tvö baðherbergi í húsinu, en úr alrými hússins er útgengt í snyrtilegan garð.
Ásett verð er 187,5 milljónir.
Sjá á fasteignavef mbl.is: Byggakur 1
Við Stígprýði í Garðabæ er til sölu 273 fm parhús sem reist var árið 2020. Ragnar Ólafsson er arkitekt og aðalhönnuður hússins, en Béton Studio sá um innanhússhönnunina. Eignin hefur verið innréttuð á afar sjarmerandi máta með fallegum húsmunum sem grípa augað. Þrjú svefnherbergi og tvö baðherbergi eru í húsinu.
Ásett verð er 169,9 milljónir.
Sjá á fasteignavef mbl.is: Stígprýði 4
Við Árakur í Garðabæ er til sölu 248 fm raðhús á tveimur hæðum sem reist var árið 2007. Eignin hefur verið innréttuð á stílhreinan máta, en alls eru fjögur svefnherbergi og tvö baðherbergi í húsinu.
Ásett verð er 169,9 milljónir.
Sjá á fasteignavef mbl.is: Árakur 23
Við Brúarflöt í Garðabæ er til sölu 226 fm endaraðhús sem reist var árið 1969. Í stofu má sjá arinn sem er umkringdur Dráðuhlíðargrjóti sem gefur rýminu mikinn karakter. Þá stendur húsið á 1620 fm lóð, en fyrir framan húsið er stórt upphitað bílaplan. Fjögur svefnherbergi og tvö baðherbergi eru í húsinu.
Ásett verð er 169,5 milljónir.