Sumarleg ólífuolíukaka með sítrónubragði

Hráefni: 

• 1 1/2 bolli af ólífuolíu, auk þess þarf meira fyrir formið
• 3 stór egg
• 1 1/4 bolli sykur
• 1 1/4 bolli mjólk
• 2/3 bolli safi úr sítrónum
• Börkur af tveimur stórum sítrónum
• 2 bollar af hveiti
• 1/2 tsk. matarsódi
• 1/2 tsk. lyftiduft
• 1 tsk. vanilludropar
• 1 msk. Amaro del capo (hér væri líka hægt að nota Grand Marnier)
• 1 tsk. salt
• 1 tsk. börkur af appelsínu
• 1/4 hrásykur (ofan á kökuna)
• Flórsykur (til skrauts)

Aðferð:

1. Hitið ofninn í 180 gráður. 
2. Setjið olíu og bökunarpappír í smelluform. 
3. Hrærið eggjum saman við ólífuolíu og sykur þangað til að blandan verður létt og ljós. 
4. Bætið við mjólk, líkjör, appelsínuberki, sítrónusafa, sítrónuberki og vanilludropum. 
5. Takið fram aðra skál og blandið saman öllum þurrefnum. Blandið að því búnu rólega blautefnablöndunni út í þurrefnin. Hrærið öllu saman þangað til blandan verður slétt en ekki hafa áhyggjur af nokkrum litlum kögglum hér og þar. 
6. Hellið deiginu í bökunarformið og stráið hrásykri ofan á deigið. 
7. Bakið í 50 mínútur til klukkutíma. 
8. Takið kökuna úr ofninum og látið kólna aðeins. 
9. Að lokum má strá flórsykri ofan á kökuna og skreyta með sítrónuberki.