Samfélagsmiðlastjarnan Jóhanna Helga Jensdóttir fer fögrum orðum um góðvinkonu sína Sunnevu Eiri Einarsdóttur í tilefni af afmæli hennar. Sunneva Eir, einn þekktasti áhrifavaldur landsins, fagnar 28 ára afmæli sínu í dag. 

Jóhanna Helga birti skemmtilega myndaseríu á Instagram-síðu sinni sem sýnir stöllurnar í gegnum árin. 

„Til hamingju með afmælið besta mín, tvíburasystir og sálufélagi. Ljónadrottning og besta frænka sem til er. Ég elska þig svo mikið, að eilífu og alltaf,“ skrifar Jóhanna Helga við færsluna.

Sjálf hefur Sunneva Eir birt nokkrar myndir á Instagram Story. Hún byrjaði afmælisdaginn á að spila tennis með vinkonum sínum og skellti sér einnig á æfingu í World Class.