Félagsstofnun stúdenta (FS) hefur lokið haustúthlutun húsnæðis á Stúdentagörðum og voru um 632 leigueiningar úthlutaðar til tæplega 700 stúdenta, en umsækjendur voru 2.613 talsins.
Félagsstofnun stúdenta (FS) hefur lokið haustúthlutun húsnæðis á Stúdentagörðum og voru um 632 leigueiningar úthlutaðar til tæplega 700 stúdenta, en umsækjendur voru 2.613 talsins.
Félagsstofnun stúdenta (FS) hefur lokið haustúthlutun húsnæðis á Stúdentagörðum og voru um 632 leigueiningar úthlutaðar til tæplega 700 stúdenta, en umsækjendur voru 2.613 talsins.
Umtalsverð aukning var á eftirspurn eftir stúdentaíbúðum á síðasta ári, eða um 26%. Þá eru um 800 einstaklingar á biðlista og er mikilvægt að halda uppbyggingu áfram, að því er fram kemur í tilkynningu.
Á síðustu fjórum árum hefur FS fjölgað leigueiningum á háskólasvæðinu um 433. Á vormisseri 2023 voru 111 nýjar einstaklingsíbúðir teknar í notkun á Sögu við Hagatorg og á haustmisseri tíu einstaklingsíbúðir í nýju húsi á Skuggagörðum við Lindargötu.
Í dag hefur FS um 1.610 leigueiningar til ráðstöfunar þar sem um 2.100 einstaklingar, stúdentar og fjölskyldur þeirra búa. FS hefur með markvissri uppbyggingu leigueininga á Stúdentagörðum náð miklum árangri í að vinna á langvarandi og erfiðu ástandi sem ríkt hefur í húsnæðismálum stúdenta við Háskóla Íslands en betur má ef duga skal, segir enn fremur í tilkynningu FS.
FS bindur vonir við að uppbygging nýs hverfis í Skerjafirði verði að veruleika. Þar er stefnt að því að byggja þriggja herbergja íbúðir, 107 í fyrsta áfanga og allt að 79 í öðrum áfanga Skerjafjarðar.
Einnig hefur FS óskað eftir kaupum á Stapa, gamla Stúdentaheimilinu, af Háskóla Íslands og breyta í stúdentagarð. Þar væri hægt að koma fyrir 49 herbergjum með sameiginlegri aðstöðu og skapa tækifæri til að skapa enn þéttara og samheldnara samfélag íbúa við Hringbraut, segir að lokum.