Donald Trump, fyrrverandi Bandaríkjaforseti, útilokar að bjóða sig aftur fram til forseta, fari svo að hann tapi kosningunum í nóvember.

Í viðtali við Full Measure í Bandaríkjunum var hann spurður hvort hann myndi bjóða sig aftur fram ef hann myndi ekki vera kjörinn forseti í næsta mánuði.

„Nei, ég ætla ekki að gera það. Ég held að það verði, það verði allt og sumt. Ég sé það ekki fyrir mér yfir höfuð,“ svaraði Trump. 

Frétt af mbl.is

Trump hafnar kappræðum við Harris

Í ár verður þá í síðasta skipti sem hann býður sig fram til forseta, en ef hann vinnur kosningarnar þá hefur hann verið kjörinn forseti í tvígang, en Bandaríkjaforsetar mega aðeins sitja tvö kjörtímabil.