Það var brunagaddur á nokkrum stöðum inn til landsins í nótt og hátt í 20 stiga frost mældist á nokkrum veðurathugunarstöðum Veðurstofu Íslands.

Sáta, ein af sjálfvirkum veðurathugunarstöðvum Veðurstofunnar á hálendinu, sýndi 19,2 stiga frost á mælinum og við Mývatn og á Grímsstöðum á Fjöllum mældist 18,8 stiga frost.

Frétt af mbl.is

Nóvemberhitametið fallið?

Segja má að vetur konungur hafi tekið völdin en eftir langan hlýindakafla þar sem hitamet var slegið í nóvember í síðustu viku þegar hitinn mældist 23,8 stig á mæli Veðurstofunnar við Kvísker, austan við Öræfajökul, er kuldi í kortunum. 

Hrafn Guðmundsson, veðurfræðingur á Veðurstofu Íslands, segir að það dragi eitthvað úr frostinu í dag þar sem bætir í vind en reikna megi með svipuðu veðri næstu dagana.

„Vind lægir á morgun og annað kvöld og þá mun herða á frostinu inn til landsins. Það verða víða tveggja stiga frosttölur annað kvöld og aðra nótt,“ segir Hrafn við mbl.is.

Í vetrargírnum fram yfir næstu helgi

Hann segir að næstu daga verði áfram norðan og norðaustan áttir með björtu veðri sunnan heiða en él og snjókoma á Norður- og Austurlandi.

„Það er ekki að sjá annað en að við verðum í vetrargírnum fram yfir næstu helgi í það minnsta,“ segir Hrafn.