Benjamín Netanjahú, forsætisráðherra Ísraels, segir að ísraelska öryggismálaráðuneytið muni samþykkja vopnahlé við Hisbollah-samtökin í Líbanon.

Breska ríkisútvarpið greinir frá. 

Um samkomulagið segir Netanjahú að ef Hisbollah-samtökin muni grípa aftur til vopna verði það brot á samningi og munu Ísraelar þá svara harðlega fyrir sig og gera árás.

Þá segir forsætisráðherrann einnig að að þó vopnahléi verði komið á þýði það ekki að Ísrael muni ekki gera árás sé þess þörf.

Frétt af mbl.is

Vopnahlé talið handan hornsins

Frétt af mbl.is

Skutu 250 eldflaugum á Ísrael

Forsætisráðherra Líbanons vill snöggar aðgerðir

Forsætisráðherra Líbanons, Najib Mikati, hefur nú kallað eftir því að alþjóðasamfélagið bregðist hratt við og að vopnahlé verði snögglega komið á laggir.

Segir hann að íbúar Beirút, höfuðborgar Líbanons, hafi þurft að þola nóg enda hafi þeir alltaf þurft að bera þyngstu byrði landsins í átökunum.

Mikati tjáði sig á miðlinum X fljótlega eftir yfirlýsingu Netanjahús.

Frétt af mbl.is

Á sjötta tug látnir eftir loftárásir Ísraela