Leita enn að David Sweat
Setja bókamerki
Ríflega 1.200 manns leita nú morðingjans og strokufangans David Sweat í New York fylki í Bandaríkjunum. Leitin beinist nú að um sextíu ferkílómetra svæði á milli bæjanna Malone og Duane.
Eins og kunnugt er var félagi hans, Richard Matt, skotinn til bana á föstudagskvöld. Lögreglan fann hann í bænum Elephant's Head en Sweat fannst hins vegar ekki.
Þeir sluppu úr Clinton-fangelsinu fyrir rúmlega þremur vikum og hafa um þrjú þúsund lögreglumenn tekið þátt í leitinni að þeim síðan þá.
Til þess að brjótast út úr fangelsinu notuðu mennirnir ýmis verkfæri og nú hefur komið í ljós að fangelsisstarfsmennirnir Joyce Mitchell og Gene Palmer smygluðu verkfærum til fanganna með hamborgarakjöti.
Matt og Sweat tókst að komast í gegnum vegg í klefa sínum, sem er meðal annars styrktur með járni, og komast inn í loftræstigöng. Þar þurftu þeir að brjóta niður vegg, saga í gegnum þykka lögn, skríða eftir henni og saga enn eitt gatið í vegg. Loks komust þeir upp um ræsi fyrir utan veggi fangelsisins.
Drónamyndskeið frá hápunkti gossins í nótt
Sjötti ferðamaðurinn er látinn
Hópur fólks reyndi að komast að eldgosinu
Hótar Bretum og Bandaríkjamönnum
Fullvissa ferðamenn um að hér sé öruggt
Yfir 300 stæði fóru undir hraun
Litlar líkur á að hraunið nái til mannvirkja
Viðræður ekkert þokast frá því á þriðjudag