Einn lést af völdum árásarinnar í Melbourne í Ástralíu þann 22. desember sl. þegar bifreið var ekið á gangandi vegfarendur á vinsælli göngugötu borgarinnar, skammt frá stórri lestarstöð.
Saeed Noori hafði verið ákærður fyrir átján manndrápstilraunir en hann verður nú einnig ákærður fyrir morð, að því er fram kemur í frétt AFP um málið. Enn liggja sex fórnarlömb hans á sjúkrahúsi.
„Karlmaður sem lenti í árásinni á Flinders Street þann 22. desember þar sem fjöldi fólks var ekið niður af bifreið er látinn,“ sagði í tilkynningu frá lögreglu í Victoríu-fylki.
Samkvæmt upplýsingum frá lögreglu átti árásarmaðurinn við fíkniefnavanda og geðræn vandamál að stríða. Hann minntist á drauma og að hafa heyrt raddir við lögreglu eftir árásina. Þá er hann eins hafa sagt ástæðuna fyrir árásinni vera slæm meðferð á múslimum í Ástralíu.