Rúmlega 300 þekktar konur í kvikmyndaiðnaðinum í Hollywood, þar á meðal Meryl Streep, Emma Thompson og Cate Blanchett, greindu frá framtaki í dag sem ætlað er að taka á kynferðislegri áreitni á vinnustöðum. Með því vilja konurnar beina athyglinni að kynsystrum sínum sem sinna hefðbundnum verkamannastörfum.

Fram kemur í frétt AFP að framtakið gangi undir nafninu „Time's Up“ eða „Tíminn er liðinn“ sem sett er af stað í kjölfar þess að upplýst var um kynferðislegt ofbeldi bandaríska kvikmyndaframleiðandans Harveys Weinsteins gagnvart konum í kvikmyndaiðnaðinum en í kjölfarið hafa sjónir beinst að fjölda annarra valdamikilla karlmanna í Bandaríkjunum í kvikmyndum, stjórnmálum og fjölmiðlaheiminum.

Vitnað er í opið bréf sem sent var til bandaríska dagblaðsins New York Times þar sem fram kemur að aðstandendur framtaksins vilji koma konum í venjubundnum störfum, sem eru í erfiðri stöðu til þess að verjast kynferðislegri áreitni. Eru fjölmiðlar meðal annars hvattir til þess að fjalla einnig um stöðu kvenna í þessari stöðu.

Tengdar fréttir

MeT­oo - #Ég líka

Ákvörðun um að víkja Jóhanni úr landsliði stendur

• Um 30% kvenkyns skurðlækna orðið fyrir kynferðisofbeldi
• Skiluðu skömminni á Sauðárkróki
• Druslur fjölmenntu á Austurvöll
• Vanhæfur vegna veikinda og verður ekki dæmdur

» Fleiri tengdar fréttir

• Blogga um frétt