Fer fram á neyðarfund í öryggisráði SÞ
Setja bókamerki
Nikki Haley, sendiherra Bandaríkjanna hjá Sameinuðu þjóðunum, hefur farið fram á neyðarfund í öryggisráði SÞ vegna mótmælanna sem hafa staðið yfir í Íran frá því á fimmtudag.
„Íranska þjóðin krefst aukins frelsis,“ sagði Haley á blaðamannafundi í dag.
Yfir tuttugu manns hafa látið lífið í mótmælunum og mörg hundruð hafa verið handteknir. Mótmælin hófust í borginni Mashhad, þeirri næststærstu í landinu, en dreifðust fljótt til annarra borga. Slæmu efnahagsástandi, hækkandi matvælaverði og stjórnarfari í landinu er mótmælt.
Írönsk stjórnvöld hafa sakað stjórnvöld í Bandaríkjunum, Bretlandi og Sádi-Arabíu um að ýta undir mótmælin. Haley segir þessa fullyrðingu algjöra þvælu og telur það eðlilegt að öryggisráðið fjalli um ástandið í Íran.
Veiting hvalveiðileyfis ekki brot á EES-samningi
Banna mengandi búnað sem leyfður er á Íslandi
Æskuvinur Íslendings myrtur í Noregi
„Á réttri leið en nokkuð í land ennþá“
Sex hafa greinst með listeríu
Árshátíð ríkislögreglustjóra haldin í Tékklandi
Krefjast stöðvunar framkvæmda