Donald Trump Bandaríkjaforseti neitaði í dag ásökunum fyrrverandi móttökustúlku um að hann hefði kysst hana án hennar samþykkis fyrir framan lyftu í Trump-turninum og sagði forsetinn að um falskar ásakanir sé að ræða.
Trump var að bregðast við forsíðugrein The Washington Post þar sem fjallað er um það hvernig Rachel Crooks, sem fyrst steig fram með ásakanirnar fyrir forsetakosningarnar árið 2016, hefur staðið áfram við frásögn sína þrátt fyrir að vita ekki hvort það muni nokkurn tímann skila árangri.
Crooks sagði að árið 2006 þegar hún var 22 ára hafi hún starfað fyrir fjárfestingafyrirtæki sem var staðsett í Trump-turninum. Hún hafi kynnt sig fyrir Trump með höndina útrétta. Hann hafi tekið í höndina og svo byrjað að kyssa hana. Atvikið hafi tekið tvær mínútur.
„Kona sem ég þekki ekki og að því ég best veit hef aldrei hitt er á forsíðu falskra frétta Washington Post þar sem hún segir að ég hafi kysst sig í tvær mínútur í anddyri Trump-turnsins fyrir 12 árum síðan. Þetta gerðist aldrei,“ skrifaði forsetinn á Twitter.
„Hver myndi gera þetta á opnu svæði með öryggismyndavélar í gangi,“ bætti hann við og spurði hvers vegna Washington Post hefði aldrei skrifað fréttir um „konur sem fá peninga fyrir að búa til sögur um mig?“
Alls hafa nítján konur stigið fram og sakað forsetann um kynferðisbrot sem eiga að hafa átt sér stað síðustu áratugi.
A woman I don’t know and, to the best of my knowledge, never met, is on the FRONT PAGE of the Fake News Washington Post saying I kissed her (for two minutes yet) in the lobby of Trump Tower 12 years ago. Never happened! Who would do this in a public space with live security......
— Donald J. Trump (@realDonaldTrump) February 20, 2018
....cameras running. Another False Accusation. Why doesn’t @washingtonpost report the story of the women taking money to make up stories about me? One had her home mortgage paid off. Only @FoxNews so reported...doesn’t fit the Mainstream Media narrative.
— Donald J. Trump (@realDonaldTrump) February 20, 2018