Aðalefnahagsráðgjafi Trump segir af sér
AFP
Setja bókamerki
Gary Cohn, aðalefnahagsráðgjafi Donalds Trump Bandaríkjaforseta, hefur sagt af sér í mótmælaskyni við fyrirætlanir forsetans um að hækka tolla á innflutt stál og ál. AFP-fréttastofan greinir frá.
Í yfirlýsingu sem Cohn sendi frá sér vegna afsagnarinnar sagði hann það hafa verið heiður að fá að þjóna landi sínu og þjóð.
Trump sendi einnig frá sér yfirlýsingu þar sem hann sagði Cohn hafa unnið frábært starf í þágu bandarísku þjóðarinnar. Forsetinn sagði ráðgjafann hafa einstaka hæfileika og þakkaði honum jafnframt fyrir störf sín.
Nokkrir hátt settir ráðgjafar forsetans hafa sagt af sér á síðustu vikum, þar á meðal Hope Hicks, fjölmiðlafulltrúi Hvíta hússins.
Stundum er erfitt að fara að sofa
Hafa „ágætis tíma“ til úrbóta
Gul viðvörun tók gildi í morgun
Mun fara sparlega með málskotsréttinn
Gefur ekkert upp um leyfi til hvalveiða
Spursmál: Fyrsta stóra viðtal Katrínar
Mikilvægt að vera á tánum