Maður um tvítugt er í haldi lögreglunnar í Helsingborg grunaður um morð eftir átök í gærkvöldi. Að sögn sænsku lögreglunnar lést einn og fjórir særðust í átökum í Drottninghög á níunda tímanum í gærkvöldi.
Blaðafulltrúi lögreglunnar, Fredrik Bratt, segir í samtali við sænsk ríkisútvarpið að grófu ofbeldi hafi verið beitt í átökunum.
Lögregla fékk tilkynningu um að alvarlega slasaðan mann á bílastæði Drottninghög-hverfinu klukkan 20:30. Þegar lögregla og sjúkrabílar komu á vettvang var maðurinn látinn. Bratt segir að mjög grófu ofbeldi hafi verið beitt og að fjórir hafi leitað læknisaðstoðar á sjúkrahúsi eftir átökin.
Mennirnir fjórir eru 18-21 árs og fengu þrír þeirra að fara heim af sjúkrahúsinu í nótt en sá fjórði er enn á sjúkrahúsi. Áverkar hans eru ekki taldir lífshættulegir. Að sögn lögreglu er ekki vitað um hvað deilurnar snérust.