Evrópska flugumferðarstjórnin Eurocontrol varar farþegaflugvélar við því að hugsanlega verði gerðar eldflaugaárásir á Sýrland á næstu þremur sólarhringum. 

Fyrr í kvöld beittu Rússar neitunarvaldi í öryggisráði Sameinuðu þjóðanna þegar greitt var atkvæði um tillögu Bandaríkjanna hvort ætti að senda óháða rann­sókn­ar­nefnd til Douma til að meta hvort um efna­vopna­árás hafi verið að ræða.

Samkvæmt breskum fjölmiðlum hafa flugfélög sem fljúga í Miðausturlöndum verið vöruð við því að eldflaugaárásir á Sýrland gætu hafist á næstu klukkustundum.

Þar kemur einnig fram að herafli Breta á Kýpur sé á hreyfingu og franskar herþotur geti hafið sig fljótt til flugs.

Trump Bandaríkjaforseti hefur sagt að von sé á hörðum viðbrögðum Bandaríkjamanna. AFP

Don­ald Trump Banda­ríkja­for­seti sagði í gær að von væri á hörðum viðbrögðum frá Banda­ríkj­un­um vegna árás­ar­inn­ar og að stjórn­völd íhugi að grípa til hernaðaraðgerða í Sýr­landi.  

Bandarískur herskipafloti undir stjórn flugmóðurskipsins USS Harry S. Truman hefur tekið stefnu í átt að Miðausturlöndum. Með Truman í för eru alls 7 árásarskip og mun flotinn leysa herskipaflota USS Theodore Roosevelt af hólmi, en hann lauk nýverið fjögurra mánaða leiðangri þar.

Tengdar fréttir

Sýrland

Helsti ráðgjafi Hisbollah sá sem ráðinn var af dögum

• Fórnarlömb mannskæðrar árásar jörðuð
• Olíuflutningaskipið sagt mjög laskað
• Vill réttarhöld yfir Assad
• Jórdanar sagðir hafa fellt fíkniefnabarón

» Fleiri tengdar fréttir

• Blogga um frétt