Trump segir lekann „til skammar“
Setja bókamerki
Donald Trump, forseti Bandaríkjanna segir það „til skammar“ að lista með spurningum sem Robert Mueller, sérstakur saksóknari bandarísku alríkislögreglunnar FBI, vill leggja fyrir forsetann, hafi verið lekið til til New York Times. Hefur dagblaðið nú undir höndum lista með tæplega 50 spurningum sem Mueller er sagður vilja leggja fyrir Trump. Er rúmur helmingur spurninganna sagður snúa að hindrun réttvísinnar. Forsetinn tísti um málið í dag.
/frimg/1/3/37/1033733.jpg)
„Það er til skammar að spurningum varðandi rússnesku nornaveiðarnar hafi verið „lekið“ til fjölmiðla. Engin spurning um samsæri. Ég skil, þið eruð með skáldaðan glæp, samsæri, sem aldrei átti sér stað og rannsóknin hefst á ólöglegum leka á trúnaðarupplýsingum. Frábært!“ skrifaði forsetinn á Twitter.
Skömmu síðar skrifaði hann aðra færslu þar sem hann sagði mjög erfitt að hindra framgang réttvísinnar vegna glæps sem aldrei var framinn.
Mueller sendi lögfræðingum Trumps nýlega 10 blaðsíðna lista með spurningum og þykja þær veita skýra sýn inn í þankagang Muellers. Enn fremur þykja þær benda til þess að saksóknarinn líti ekki bara til forsetans sem vitnis í rannsókninni. Ekki liggur enn hins vegar enn fyrir hvort að Mueller fái að yfirheyra Trump.
Benda á Samgöngustofu sem bendir út í heim
Mikil skjálftavirkni á landinu áhyggjuefni
„Tíminn er runninn út fyrir Kristján Loftsson“
Kveðst tala af virðingu: „Ég er enginn dóni“
Fjárfestingin 115 milljarðar króna
Segir óábyrgt að skipta út öllu bankaráðinu
„Þögnin er ærandi“
Starfsfólk gæti fengið reikning frá Skattinum