Notaði ekki fé úr kosningasjóði

Donald Trump hefur orðið margsaga varðandi samband sitt við Stormy …
Donald Trump hefur orðið margsaga varðandi samband sitt við Stormy Daniels og greiðslur til hennar. AFP

Forseti Bandaríkjanna, Donald Trump, segir að ekkert fé hafi runnið úr kosningasjóði hans til að greiða fyrir þögn klámmyndaleikkonunnar Stormy Daniels. Daniels segir að þau hafi átt í kynferðislegu sambandi árið 2006 en Trump neitar því að svo hafi verið. Aftur á móti hefur hann nú viðurkennt að lögmaður hans, Michael Cohen, hafi greitt Stormy Daniels á sama og kosningabaráttan stóð yfir og Cohen hafi fengið endurgreitt án þess að endurgreiðslan hafi komið úr kosningasjóðum. 

Í gærkvöldi sagði ráðgjafi Trumps, Rudy Giuliani, að endurgreiðslan hafi komið úr persónulegum sjóðum Trumps.  

mbl.is
Fleira áhugavert
Fleira áhugavert