Trump tekur ákvörðun á morgun
Setja bókamerki
Donald Trump, forseti Bandaríkjanna, segist ætla að tilkynna á morgun hvað hann hyggst gera varðandi aðild Bandaríkjanna að kjarnorkusamkomulagi við Íran.
Samkomulagið var gert árið 2015 milli sexveldanna svonefndu, þ.e. Bandaríkjanna, Bretlands, Rússlands, Frakklands, Kína og Þýskalands, og Írans og fól það í sér að Íranar hægðu á kjarnorkutilraunum sínum og minnkuðu birgðir af auðguðu úrani, en í staðinn yrði refsiaðgerðum og viðskiptaþvingunum gegn þeim aflétt.
Trump hefur ítrekað hótað að Bandaríkin muni draga sig út úr samkomulaginu og hefur hann frest til 12. maí til að tilkynna hvort Bandaríkin muni styðja samkomulagið áfram eða ekki.
Forsetinn sagði á Twitter í dag að hann muni tilkynna ákvörðun sína á morgun í Hvíta húsinu klukkan tvö að staðartíma, eða klukkan sex annað kvöld að íslenskum tíma.
Tilkynning Trumps um að ákvörðunin sé yfirvofandi hefur haft þau áhrif að heimsmarkaðsverð á hráolíu hefur hækkað og fór verð á tunnu af hráolíu yfir 70 dollara í dag. Það gerðist síðast í nóvember 2014.
Nauðgaði kærustu sinni og tók það upp
Aðkoman í gripahúsið mjög slæm
Ný staða uppi og óvissan meiri
Sárt að horfa upp á illa meðferð fjármuna
Bjarkey stendur við skammarbréf Svandísar
Færa slökkviliðið til nútímans
Spursmál: Fyrsta stóra viðtal Katrínar