New York ríki höfðar mál gegn Trump
Setja bókamerki
New York-ríki hefur höfðað mál gegn Donald Trump, forseta Bandaríkjanna, og börnum hans, Ivönku, Eric og Donald Jr., vegna „ítrekaðra ólöglegra ráðstafana“ úr fjölskyldusjóði þeirra í yfir áratug. AFP-fréttastofan greinir frá.
Ásakanirnar snúa að því að Donald J. Trump-góðgerðarsjóðurinn hafi á umfangsmikinn og ólöglegan hátt stutt við kosningabaráttu Trump. Að fjármunir hafi ítrekað verið millifærðir úr sjóðnum bæði í þágu persónulegra hagsmuna Trump og viðskiptalegra. Þannig hafi verið brotið gegn lögum New York-ríkis um sjóði sem ekki eru reknir í hagnaðarskyni.
New York-ríki krefst þess að greiddar verði 2,8 milljónir dollara í skaðabætur og að sjóðnum verði lokað. Þá er einnig gerð krafa um að Trump fái ekki að sitja í stjórn góðgerðarfélaga í New York næstu tíu árin. Rannsóknin málsins hefur staðið yfir í tæp tvö ár.
Trump var fljótur að tjá sig á Twitter eftir að tilkynnt var um málshöfðunina og sagði hana „fáránlega“. Sagðist forsetinn ekki ætla að leita málamiðlana í þessu máli og sakaði „sóðalega demókrata“ New York-ríkis um að gera hvað sem er til að fara í mál við hann.
Myndskeið: Segjast hafa skotið niður sprengjuflugvél
Gefur ekkert upp um leyfi til hvalveiða
Unnu að fullum heillindum að kaupum á TM
Gul viðvörun tók gildi í morgun
Spursmál: Fyrsta stóra viðtal Katrínar
Sama stefna í gildi í útlendingamálum
Hafa „ágætis tíma“ til úrbóta
Aðkoman í gripahúsið mjög slæm