Stormy snýr aftur til vinnu
Setja bókamerki
Ákæra gegn klámmyndaleikkonunni Stormy Daniels hefur verið felld niður eftir að lögmaður hennar sagði að handtakan hafi verið pólitísk aðför.
Daniels var handtekin á fatafellustað í borginni Columbus, höfuðborg Ohio-ríkis í Bandaríkjunum, í gær þar sem hún á að hafa leyft þremur leynilögreglumönnum að snerta sig, en lög um starfsemi slíkra staða banna það.
Michael Avenatti, lögfræðingur Daniels, greindi frá því í dag að málið hefur verið látið niður falla og þakkar hann saksóknara fyrir snör og fagmannleg vinnubrögð. Yfirvöld í Ohio vísa ákærunni frá þar sem hún byggir ekki á lagalegum grundvelli, en löggjöfin nær aðeins til fastráðinna starfsmanna nektarstaða.
Avenatti brást harkalega við handtöku Daniels og segir hana vera gildru runna af pólitískum rótum. Daniels, sem heitir réttu nafni Stephanie Clifford, hefur höfðað mál gegn Trump og persónulegum lögmanni hans þar sem hún reynir að ógilda samkomulag sem gert var árið 2016 en það gerir henni ókleift að ræða opinberlega um samband hennar við Trump árið 2006.
Avenatti greinir jafnframt frá því á Twitter að Daniels neiti því að láta ógna sér og að hún muni snúa aftur á vettvang, ekki glæpavettvang, í kvöld á klúbbnum í Columbus. Daniels heldur því ótrauð áfram.
Ekki orðinn þreyttur á vöfflukaffi
Önnur stunguárás í Sydney
„Sárt að horfa upp á þetta“
Byggingarheimildir verði tímabundnar
„Ég læt ekki skoðanakannanir ráða för“
Íranar hafi vísvitandi gætt hófs