Þrír menn voru handteknir í nótt vegna mannránstilraunar í Bromma í Stokkhólmi. Samkvæmt fréttum sænskra fjölmiðla komust mennirnir inn í íbúð með því að klifra upp á svalir. Talið er að þeir hafi verið vopnaðir byssum.
Lögreglan í Stokkhólmi er sögð hafa handsamað mennina skömmu eftir að tilkynning um mannránstilraunina barst.
Sænska ríkisútvarpið greinir frá.