Antonio Guterres, aðalritari Sameinuðu þjóðanna, hefur hvatt til þess að „sjálfstæð og tafarlaus“ rannsókn verði gerð á loftrásinni í Jemen í morgun þar sem að minnsta kosti 29 börn voru drepin.
Guterres hvatti „alla hlutaðeigandi til að virða skyldur sínar samkvæmt alþjóðlegum mannréttindalögum,“ að því er talsmaður hans sagði í yfirlýsingu.
Alþjóðanefnd Rauða krossins segir rútu sem full var af börnum hafa orðið fyrir árásinni, við Dahyan-markaðinn í borginni Saada, þekktu vígi uppreisnarmanna úr röðum húta.