Monsúnhörmungar á Indlandi: 324 látnir

324 hið minnsta eru látnir í Kerala-héraði á Indlandi. Þar eru nú flóð, sem yfirvöld í héraðinu segja að séu þau verstu í heila öld. Síðasta sólarhringinn hefur rigningin á svæðinu verið gríðarleg og yfir 200.000 manns þurft að flýja heimili sín vegna flóðanna.

Björgunaraðgerðir standa yfir á vettvangi, en yfirvöld í Kerala segja að margir þeirra látnu hafi lent í skriðum.

Rauð viðvörun er í gildi í héraðinu sem er á Suður-Indlandi. Búist er við því að rigningin haldi áfram næstu daga. Þyrlur og yfir 300 bátar vinna að því að flytja fólk af flóðasvæðunum.

Forsætisráðherra Indlands, Narendra Modi, mun heimsækja flóðasvæðin í kvöld.

Frétt BBC um málið

Yfir 200.000 manns hafa þurft að yfirgefa heimili sín vegna flóðanna. AFP

Búist er við því að rigningar haldi áfram næstu daga. AFP

• Blogga um frétt