Allt stefnir í að Mikael verði fjórða stigs fellibylur þegar hann nær landi í Flórída síðar í dag. Óttast er að flóðbylgjur sem fylgi honum nái fjórum metrum og að stormurinn verði sá versti sem nær þar landi í áratugi.
Í nótt var vindhraði Mikaels 56 metrar á sekúndu og stefndi hratt á Florida Panhandle, nes sem er í Mexíkóflóa.
Samkvæmt fellibyljamiðstöðinni í Miami, National Hurricane Center (NHC), mun fellibylurinn fara hratt yfir suðausturhluta Bandaríkjanna á morgun á leið sinni yfir land.
Ríkisstjóri Flórída, Rick Scott, hvatti íbúa til þess að fara að fyrirmælum um rýmingar en fjölskyldum búsettum í Panhandle og Big Bend hefur verið gert að yfirgefa heimili sín og færa sig innar. Hann segir að ákvarðanir sem þessar fjölskyldur taki núna og næstu klukkustundir geti verið spurning um líf eða dauða.
THIS IS YOUR LAST CHANCE to evacuate before conditions start deteriorating within the next few hours. See current evacuation orders and open shelters here: https://t.co/5MF4UwB4He
— Rick Scott (@FLGovScott) October 10, 2018
Families under mandatory evacuation in the Panhandle and Big Bend need to move inland RIGHT NOW. The decisions you & your family make over the coming hours could be the difference between life & death.
— Rick Scott (@FLGovScott) October 10, 2018
Fyrrverandi framkvæmdastjóri NHC, Rick Knabb, segir að Mikael geti orðið einn versti fellibylur sem hefur nokkurn tíma komið að landi í þessum hluta Flórída-ríkis. Það er Florida Big Bend/Florida Panhandle.
Scott hefur kallað út 2.500 þjóðvarðliða og segir að ekki hafi slíkur stormur gengið yfir Panhandle í áratugi.
Forseti Bandaríkjanna, Donald Trump, lýsti yfir neyðarástandi í Flórída í gær og segir mikilvægt að íbúar hlýði fyrirmælum frá embættismönnum alríkisins sem og ríkisins.