Donald Trump Bandaríkjaforseti heitir því að komast til botns í máli blaðamannsins Jamal Khashoggi.
Khashoggi, sem var gagnrýninn á stjórnvöld í heimalandi sínu, kom á sádi-arabísku ræðismannsskrifstofuna í Tyrklandi í síðustu viku til þess að verða sér úti um opinbera pappíra þannig að hann gæti gengið að eiga tyrkneska unnustu sína. Ekkert hefur spurst til hans síðan og segir tyrkneska lögreglan hann aldrei hafa komið þaðan út aftur.
Trump kveðst hafa rætt við æðstu embættismenn í Sádi-Arabíu og krafist svara um afdrif Khashoggi. „Við getum ekki látið svona nokkuð koma fyrir blaðamenn, og ekki fyrir neinn,“ segir Trump.