Tala látinna eftir fellibylinn Mikael er komin upp í sautján og enn er óttast að fleiri hafi látist. Björgunarteymi eru að störfum í Flórída og leita fólks í braki í bæ sem verst varð úti í óveðrinu.

„Eyðileggingin á Mexíkóströnd er mikil,“ sagði ríkisstjóri Flórída, Rick Scott. Hann var þá staddur í bænum þar sem fellibylurinn náði mestum vindhraða og var flokkaður sem fjórða stigs bylur. „Það er eins og sprengja hafi sprungið,“ sagði Scott er hann fór um bæinn. Íbúar Mexíkó-strandar eru um þúsund og stendur bærinn við Mexíkóflóa. „Þetta er eins og vígvöllur.“

Björgunarteymin nota m.a. sporhunda við leit sína. Enn er vonast til þess að fólk finnist á lífi í rústum húsa. 

Tengdar fréttir

Fellibylurinn Mikael

Hverfandi líkur á að fólk finnist á lífi

• Eyðileggingin ótrúleg
• „Fellibylurinn var algjört skrímsli“
• Dregur úr mætti Mikaels
• Einn látinn í kjölfar fellibylsins

» Fleiri tengdar fréttir

• Blogga um frétt