Kristilegir demókratar, CSU, munu missa meirihlutann í Bæjaralandi samkvæmt fyrstu útgönguspám. Gangi þær eftir verður þetta mesti kosningaósigur þeirra í langan tíma og veikir þar með stöðu systurflokkanna CSU og CDU, flokks Angelu Merkels, á landsvísu.
Breska ríkisútvarpið greinir frá þessu.
Útlit er fyrir að CSU fái 35,5% atkvæðanna, sem er um 12% minna en fyrir fjórum árum, og Græningjar 19%.
Kristilegir demókratar, CSU, hafa haft yfirburðastöðu í Bæjaralandi frá því upp úr miðri síðustu öld. Systurflokkurinn CDU hefur verið smærri á landsvísu en alltaf getað treyst á gott fylgi CSU í sambandsríkinu Bæjaralandi.
AfD, Valkostur fyrir Þýskaland, flokkur sem talinn hefur verið til hægri við CSU, hefur tekið til sín töluvert fylgi og stefnir í 11% samkvæmt útgönguspám. AfD fylgir harðari innflytjendastefnu en CSU og er talið að stefna í þeim málaflokki kunni að hafa veruleg áhrif á pólitíska þróun í Bæjaralandi.