Alríkisdómari hefur vísað frá meiðyrðamáli klámmyndaleikkonunnar Stormy Daniels gegn Donald Trump Bandaríkjaforseta.
Daniels höfðaði mál gegn Trump eftir að hann sakaði hana um blekkingar í tísti á Twitter.
Dómarinn sagði að forsetinn njóti málfrelsis og hafi verið í rétti þegar hann lét ummælin falla, að sögn CNN.
Daniels segir að hún og Trump hafi átt í ástarsambandi árið 2006, skömmu eftir að hann kvæntist Melaniu Trump forsetafrú og þau eignuðust saman soninn Barron.
Trump hefur vísað því á bug að hafa átt í ástarsambandi við Daniels.