Donald Trump Bandaríkjaforseti sagði að það ætti ekki að vera neitt umburðarlyndi gagnvart gyðingahatri. Ummælin lét Trump falla nokkrum klukkustundum eftir að maður réðst inn í bænahús gyðinga í Pittsburgh og myrti að minnsta kosti ellefu.
„Þetta fjöldamorð er hrein illska og það er erfitt að trúa þessu. Þjóðin og heimurinn allur er í áfalli,“ sagði Trump.
„Það verður að fordæma gyðingahatur og horfast í augu við það hvar sem það birtist.“