Bresk kona auglýsir nú eftir gjafanýra á samfélagsmiðlinum Twitter, sem bjargað gæti lífi hennar. Konan, Joanne D'Onofrio, er 46 ára og frá Newcastle. Hún er nú í himnuskiljun eftir alvarleg veikindi.
D'Onofrio greindist með nýrnabilun 18 ára og hefur verið með gjafanýra frá því hún var 19 ára. Nú hefur líkami hennar hins vegar hafnað því nýra.
Um 27.000 manns hafa deilt Twitter-skilaboðum D'Onofrio og sagði hún í samtali við BBC að viðbrögðin væru mun meiri en hún hefði búist við. „Jafnvel þó að ég fái ekki nýra, þá kann að vera að það finnist nýra fyrir aðra. Mögulega komast mun fleiri í líffæraígræðslu bara vegna þessara einu Twitter-skilaðboða,“ sagði D'Onofrio.
I'm in desperate need of a kidney transplant & need a matching live donor, I'm actually at the end of the road now so need one pretty quickly to save my life, I don't suppose there is anyone out in twitterland who could help me with a social media campaign please? Plz r/t
— mab (@missmabh) November 6, 2018
„Ég er í mikill nauð fyrir nýrnaígræðslu og þarf á lifandi líffæragjafa að halda,“ sagði hún á Twitter. „Það er komið að leiðarlokum hjá mér, þannig að ég þarf að fá nýra fljótt til að bjarga lífi mínu.“