Ekki skotárás heldur bilaður vatnshitari

Skotárás í framhaldsskóla sem lögreglunni í Norður-Karólínu í Bandaríkjunum barst tilkynning um í morgun reyndist vera bilun í vélbúnaði.

Frétt af mbl.is

Vopnaður maður í skóla í N-Karólínu

Lögreglan í Hampstead lokaði skólalóðinni og hóf leit af manni sem átti að vera vopnaður skotvopni en hvergi fannst maðurinn né skotvopnið. Í ljós kom að vatnshitari í skólanum var bilaður og gaf hann frá sér hljóð sem minna á skothljóð.

George Brown, talsmaður skólans, segir í samtali við WECT-fréttastofuna að tankurinn hafi gefið frá sér hljóðin í nokkra daga og að hann hafi grunað að tankurinn væri ástæða tilkynningarinnar, en hann telur að lögregluyfirvöld hafi brugðist rétt við með því að leita af sér allan grun.

• Blogga um frétt