Írskur háskólakennari var stunginn til bana fyrir utan Léonard de Vinci-háskólann í París í dag. John Downing var 66 ára gamall prófessor við tungumáladeild skólans og hafði starfað þar í tæp 20 ár.
Talið er að árásarmaðurinn sé fyrrverandi nemandi sem var rekinn úr skólanum árið 2017.
Samstarfsmenn Downing segja að hann hafi verið vel liðinn og sýnt nemendum sínum mikla umhyggju og ávallt verið til staðar fyrir þá. Starfsfólk og nemendur skólans eru í áfalli og senda aðstandendum hans samúðarkveðjur.
Frédérique Vidal, menntamálaráðherra Frakklands, segir í færslu á Twitter að franska lögreglan muni leggja sig alla fram við rannsókn málsins.
Émotion et indignation alors qu’un professeur vient d’être assassiné au pôle universitaire Léonard-de-Vinci. Toute la lumière doit être faite dans le cadre de l’enquête conduite par la police judiciaire. Une cellule psychologique sera ouverte dès demain au sein de l’établissement pic.twitter.com/l3ZeymNtka
— Frédérique Vidal (@VidalFrederique) December 5, 2018
Utanríkisráðuneyti Írlands hefur verið gert viðvart um morðið.