Framseldur frá Danmörku fyrir þátt í þjóðarmorði
Setja bókamerki
Yfirvöld í Danmörku hafa framselt til Rúanda mann sem grunaður er um að hafa tekið þátt í þjóðarmorðinu á tútsum í landinu 1994. Frá þessu er greint á vef BBC, sem segir embætti saksóknara í Rúanda saka manninn, Wenceslas Twagirayezu, um að hafa hvatt til ofbeldis í þjóðarmorðunum í Rúanda 1994.
Á Twagirayezu, sem er 50 ára, að hafa leitt uppreisnarsveit hútú-manna í árásum gegn tútsum í norðvesturhluta landsins.
Twagirayezu, sem hefur verið búsettur í Danmörku frá 2001, hefur barist gegn framsalinu, en er búinn að vera í gæsluvarðhaldi í dönsku fangelsi frá því í maí í fyrra.
Að sögn blaðsins New Times, sem er hliðhollt stjórnvöldum í Rúanda, þá er Twagirayezu annar Rúandabúinn sem Danir framselja. Sá fyrri var Emmanuel Mbarushimana og var hann í fyrra dæmdur til lífstíðarfangelsis, þremur árum eftir framsal til Rúanda.
Dauðarefsingin var afnumin í Rúanda árið 2007 sem liður í aðgerðum til að hvetja yfirvöld þeirra erlendu ríkja sem mótfallin eru dauðarefsingunni til að framselja þá sem grunaðir eru um aðild að þjóðarmorðunum.
/frimg/7/34/734958.jpg)
Hafa yfirvöld í Rúanda gefið út alþjóðlega handtökuskipun á hendur rúmlega 800 einstaklingum sem þau saka um að voðaverk á þeim 100 dögum sem blóðbaðið stóð yfir.
Talið er að um 800.000 tútsar hafi verið drepnir í aðgerðunum og mun minni fjöldi hútú-manna.
Twagirayezu starfaði fyrir CDR-stjórnmálahreyfingu hútú-manna sem sökuð hefur verið um að bæði hvetja til ofbeldisverka og framkvæma þau.
Hann er fyrrverandi barnaskólakennari og er sagður hafa leitt sveit uppreisnarmanna í Rubavu-héraði sem grunuð er um að hafa skipulagt morð á almennum borgurum sem leitað höfðu skjóls í háskóla í héraðinu.
Aðkoman í gripahúsið mjög slæm
Gerir ráð fyrir 150 samningum í næstu viku
Hyggjast leyfa fólki að skoða gosið
29 nautgripir fundust dauðir
Almannavarnir auka viðbúnað
Myndskeið: Segjast hafa skotið niður sprengjuflugvél
Hafa „ágætis tíma“ til úrbóta
Ný staða uppi og óvissan meiri