Lokun ríkisstofnana varir fram yfir jól
Setja bókamerki
Hluti bandarískra ríkisstofnana verður að öllum líkindum lokaður fram yfir jól. Bandaríska þingið kom saman í dag, á laugardegi, sem er afar sjaldgæft, til að reyna að ná samkomulagi um fjármögnun landamæraveggs á milli Mexíkó og Bandaríkjanna, en án árangurs.
Veggurinn hefur verið helsta þrætueplið í fjárlögunum sem Donald Trump Bandaríkjaforseti hefur neitað að skrifa undir. Hluta ríkisstofnana hefur því verið lokað þar sem ekki fæst samþykki fyrir um fjórðungi af útgjöldum alríkisins, en þar á meðal eru útgjöld vegna heimavarnarráðuneytisins og stofnana á sviði samgöngu,- landbúnaðar-, utanríkis- og dómsmála.
Þetta er þriðja lokun hluta alríkisins á þessu ári og þýðir það að starfsmenn þurfa annað hvort að vinna án launa eða fara í tímabundið leyfi.
Veggurinn var eitt helsta kosningaloforð Trump og á að hans sögn að auka öryggi landsins og draga úr komu ólöglegra innflytjenda sem koma frá Mexíkó. Demókratar krefjast þess að Trump segi skilið við áform sín um að láta reisa vegginn.
Þingið kemur næst saman fyrsta virka dag eftir jól, fimmtudaginn 27. desember.
Sólveig Anna furðar sig á aðferðum kennara
/frimg/1/53/8/1530849.jpg)
Fatlaður drengur fær ekki þjónustu í verkfalli
Yfir 300 stæði fóru undir hraun
Þarf að koma til móts við ólíkar þarfir lækna
Hentugt gos fyrst gýs á annað borð
Hraun kemur úr þremur gígum: Virknin stöðug
