Erlent | AFP | 2.1.2019 | 6:38 | Uppfært 25.1.2019 17:13

Trump vill leita sátta

Donald Trump, forseti Bandaríkjanna, vill finna lausn á deilunni um fjárlög þingsins. AFP

Donald Trump Bandaríkjaforseti hefur óskað eftir sáttafundi með leiðtogum repúblikana og demókrata á Bandaríkjaþingi til að finna lausn á deilunni um fjárlög þingsins. Um fjórðungur bandarískra ríkisstofnana hafa verið lokaðar í 12 daga þar sem þær fá ekkert fjármagn á meðan fjárlögin hafa ekki verið samþykkt.

Frétt af mbl.is

Stofnanir lokaðar fram í næstu viku

Trump neitaði að skrifa undir fjárlögin fyrir jól þar sem þar er ekki gert ráð fyrir fimm milljörðum dollara til að reisa landamæramúr við Mexíkó. Krafan var samþykkt í fulltrúadeildinni en hefur ekki komist í gegnum öldungadeildina.

Demókratar taka við forystuhlutverki í fulltrúadeildinni þegar þeir snúa aftur til vinnu eftir jólafrí á morgun. Nancy Pelosi tekur við sem forseti þingsins og bauðst Trump til að gera samning við hana á Twitter í gærkvöldi. „Öryggi við landamærin og „þetta með múrinn“ og lokun ríkisstofnana er varla sá staður sem Nancy Pelosi vill hefja ferilinn á! Eigum við að semja?“ spurði forsetinn á Twitter.

Border Security and the Wall “thing” and Shutdown is not where Nancy Pelosi wanted to start her tenure as Speaker! Let’s make a deal?
— Donald J. Trump (@realDonaldTrump) January 1, 2019