Alls fórust átta í lestarslysinu á Stórabeltisbrú í gær, fimm konur og þrír karlar. Sextán slösuðust. Borin hafa verið kennsl á fjóra hinna látnu. Frá þessu greinir lögreglan á Fjóni. 

Slysið varð klukk­an 7:35 að staðar­tíma í gærmorg­un á Stóra­belt­is­brúnni sem teng­ir Sjá­land og Fjón. 131 farþegi var í lest­inni og þrír starfs­menn.

Frétt af mbl.is

Sex létust og sextán slösuðust

Tóm­ur tengi­vagn flutn­inga­lest­ar sem mætti farþega­lest fauk af tein­un­um og lent fram­an á farþega­lest­inni. Mjög hvasst var á svæðinu þegar slysið varð. Að sögn lögreglu voru flestir þeirra sem létust í fremsta vagni farþegalestarinnar.

Rann­sókn­ar­nefnd sam­göngu­slysa í Dan­mörku og lögreglan rannsaka tildrög slyssins og í nótt var ákveðið að flytja báðar lestarnar af brúnni þar sem enn er vont veður á svæðinu og skilyrði til rannsóknarvinnu ekki góð.

Slysið er mannskæðasta lestarslys í Danmörku í þrjátíu ár, eða síðan 25. apríl 1988, þegar átta fórust og 72 slösuðust þegar lest fór út af sporinu við Sorø.

Tengdar fréttir

Lestarslys á Stórabeltisbrúnni

Bilun í lás mögulega orsök slyssins

• Búið að bera kennsl á hin látnu
• Stöðva bjórflutninga með lestum
• Sektuðu fyrir stopp á slysstað
• Hafa ekki borið kennsl á þá látnu

» Fleiri tengdar fréttir

• Blogga um frétt