Bush færir leyniþjónustumönnum pizzur
Setja bókamerki
Tengdar fréttir
Donald Trump verðandi Bandaríkjaforseti
George W. Bush, fyrrverandi forseti Bandaríkjanna, hefur brugðið á það ráð að færa öryggis- og lífvörðum sínum pizzur, en starfsmennirnir tilheyra leyniþjónustu Bandaríkjanna og eru á meðal þeirra starfsmanna sem fá ekki greidd laun á meðan lokun alríkisstofnana stendur yfir.
„Það er tími til kominn að leiðtogar beggja hliða setji pólitíkina til hliðar, sameinist og endi þessa lokun,“ skrifar Bush með mynd sem hann birti á Instagram þar sem hann færir starfsmönnum sínum pizzur í kassavís.
Um fjórðungur bandarískra ríkisstofnana hefur verið lokaður í rúmlega fjórar vikur þar sem DonaldTrump Bandaríkjaforseti hefur neitað að skrifa undir fjárlög ársins nema þar verði sett sérstakt fjármagn til að reisa múr á landamærum Bandaríkjanna að Mexíkó.
Lokunin hefur áhrif á um 800.000 starfsmenn sem ýmist hafa lagt niður störf eða starfað launalaust, eins og tilfellið er hjá flestum þeim 6000 starfsmönnum leyniþjónustunnar sem lokunin hefur áhrif á.
Það er hægara sagt en gert fyrir starfsmenn leyniþjónustunnar að leggja niður störf og sendi Nancy Pelosi, forseti fulltrúardeildar Bandaríkjaþings, Trump bréf fyrr í vikunni þar sem hún hvetur hann til að fresta árlegri stefnuræðu sinni (e. state of the union), meðal annars vegna þess að ekki væri að hægt að tryggja öryggi hans eða áhrofenda vegna þess ástands sem skapast hefur vegna lokana alríkisstofnana.
/frimg/1/10/81/1108151.jpg)
„Leyniþjónustan er lömuð vegna skorts á fjárframlögum,“ stóð meðal annars í bréfi Pelosi til forsetans. Trump greip til sinna ráða og svaraði Pelosi bréfleiðis þar sem hann frestaði ferð hennar til til Brussel, Afganistan og Egyptalands með örskömmum fyrirvara. Þar sem Trump er æðsti yfirmaður herafla Bandaríkjanna hefur hann vald til að hafa áhrif á flugferðir þingmanna sem nýta jafnan flugvélar hersins til ferðalaga.
Trump sagði í bréfinu að Pelosi geti ferðast á eigin vegum kjósi hún það en hann vilji helst hafa hana í höfuðborginni svo þau geti átt samtal um fjámögnun landamæramúrsins. Pelosi hefur hingað til fullyrt að ekki komi til greina að verða við kröfum Trumps.
Tengdar fréttir
Donald Trump verðandi Bandaríkjaforseti
Reiðubúin að aflýsa verkföllum í fjórum leikskólum
/frimg/1/53/8/1530849.jpg)
Fatlaður drengur fær ekki þjónustu í verkfalli
„Höfum sloppið bærilega með skaða af þessu gosi“
Yfir 300 stæði fóru undir hraun
/frimg/1/53/7/1530787.jpg)
Flogið á milli ljósaskipta
Þarf að koma til móts við ólíkar þarfir lækna
Rússar sagðir útvega N-Kóreu milljón olíutunnur